Pe sadap Jadia Tuama....

Ternyata, jadi tuama itu sadap skali. Nyanda percaya? Coba baca ini...

Kalu meja karja tuama tafiaro, orang bilang: Dia memang orang karja skali...
Kalu meja karja wewene tafiaro, orang bilang: Parampuang apa tu dia? Ele mo se bersi tu meja nyanda war...

Kalu tuama so kaweng kong karja, orang bilang: So pasti dia ba kerja lebe bae deng dia pe hidop mo lebe butul...
Kalu wewene so kaweng kong karja, orang bilang: Mandi jo kong tunggu, sasadiki lei bagitu hamil somo minta brenti...


Tuama bacirita waktu jam karja, orang bilang: Pe hebat, lantaran bicara tu bisnis, sampe lupa makang...
Wewene bacirita waktu jam karja, orang bilang: So nembole heran, memang karlota...

Tuama nyanda ada di meja karja, orang bilang: Hebat, lagi tugas kaluar kantor...
Wewene nyanda ada di meja karja, orang bilang: Pi lia jo, pasti dorang ba pontar di mall...

Foto keluarga di meja karja tuama, orang bilang: Nyanda mo sombong, peitua teladan en setia...
Foto keluarga di meja karja wewene, orang bilang: So bagitu no, dorang lebe pentingkan keluarga daripada karja.....

Tuama brenti karja kong dapa karja baru, orang bilang: Noh, sei re'en, pe pande cari prospek...
Wewene brenti karja kong dapa karja baru, orang bilang: So bagitu kasiang dorang, nyanda bisa dipercaya...


(cuma da punggu dari suara minahasa magazine)